ONM-ABO Fulbaana 16, 2023
Ajjeechaan golee Oromiyaa cufa keessatti dargaggoota Oromoo irratti gaggeeffamaa jiru akkaan jabaachaa kan jiru yoo ta’u, dachiin Oromiyaa guyyaa irraa gara guyyaatti dhiiga ol adeemtota ilmaan isheetii keessummeessaa jirti.
Gocha gara jabeenyaa kanaanis, Fulbaana 15, 2023 godina Qellem Wallaggaa aanaa Anfilloo Bulchiinsa magaalaa Ashii ganda Dullii bakka addaa Qonnee jedhamtu keessatti dargaggoo maqaan isaa Eebbisaa Fayyisaa jedhamu badii tokko malee waraana goolessaa PPn akka ajjeefame maddeen himan.
Hidhattootni sirnichaa kunneen sochii gandichatti taasisaniin qabeenya hawaasaa hedduu akka saamanii fi namoota hedduus qe’ee isaanii keessatti reebuu jiraattotni dubbatan.
