ONM-ABO Sadaasa 4, 2023
Manni amantaa iddoo itti uummanni wal ga’ee uumaa isaa itti kadhatu yoo ta’u, hidhattoota garee maafi’aa PP biratti garuu manni amantaas ta’e namni amantii isaa geggeeffatu akka yakkamaatti ilaalamuun namoota irratti miidhaa hidhaa hanga reebichaatti yoo raawwatan mana amantaa keessaas qabeenya saamuu fi gubuun barbaadeessuun Oromiyaa bakkeewwan hedduutti yeroo ammaa raawwatamaa jira.
Haaluma kanaan lixa Wallaggaa aanaa Ganjii ganda Busaanoo Sichoo jedhamu keessatti guyyaa kaleessaa jechuun Sadaasa 3, 2023 namoota waldaa keessaa kadhata irra jiran itti seenuun reebichaa fi hidhaa namoota nagaa irratti raawwatan jedhu.
Paaster Hordofaa kan jedhamu qabanii reebicha ulfaataa erga irratti raawwataniin booda mana Hidhaa galchuun hanga yoonaatti maalif akka hidhan osoo ifa hin godhin dararaa jirus jedhan.
Akkasumas namoota hedduu irratti reebicha ulfaataa raawwatameen namoonni hedduun akka miidhamanii yaala irra jiran dubbachuun, meeshaalee mana amantaa hedduus caccabsanii Kan balleessaniidhas jedhan.
