ONM-ABO Fulbaana 18, 2024
Baanglaadeesh Kibxata kaleessaa akka ibsitetti, Baankiin Addunyaa bara baajataa kana faayinaansii haaraa doolaara biiliyoona 2 ol kennuuf waadaa galeera. Kunis tattaaffii haaromsa biyyattiin itti fufee jiru, jalqabbii deebii lolaa, fi fooyya’iinsa qulqullina qilleensaa fi eegumsa fayyaa deggaruuf.
Daarektarri Biyyaa Baankii Addunyaa, Abdulaye Seek, Kibxata kaleessaa itti gaafatamaa badhaafamaa Noobeelii mootummaa yeroo Muhaammad Yunus waliin Daakaatti erga wal arganii booda akka ta’e waajjirri isaanii ibsi baaseen beeksiseera.
Baankiin Addunyaa sagantaalee jiran irraa doolaara biiliyoona 1 dabalataa deebisee kaayyoof karoorfateera. Kunis liqii lallaafaa fi deggarsa waliigalaa gara doolaara biiliyoona 3tti ol guddisa
Torban darbe haasawa televijiiniin taasisaniin Yunus mootummaan dinagdee erga waraanni Yukireen baasii boba’aa fi nyaata biyya alaatii galfamu haalaan dabalee as rakkachaa ture tasgabbeessuuf gargaaruuf gargaarsa doolaara biiliyoona 5 iyyachaa jira jedhan. Baanglaadeesh bara darbe Fandii Maallaqaa Idil-addunyaa irraa doolaara biiliyoona 4.7 gargaarsa gaafatteetti.
Ameerikaan guddina dinagdee hunda hammate, ijaarsa dhaabbilee fi misooma Baanglaadeesh deggaruuf kutannoo kan qabdu yoo ta’u, gargaarsa dabalataa doolaara miiliyoona 202 akka kennitu jilli Ameerikaa Dilbata darbe daawwannaa Daakaatti taasisaniin ibseera jechuun Rooyiters gabaaseera.
