ONM-ABO Muddee 11, 2024
Ergamaan addaa Dhaabbata Mootummoota Gamtoomanii kan Siiriyaa Kibxata kaleessaa akka jedhanitti, Israa’el sirni Bashar Al Asaad Siiriyaa aangoo irraa kaafamuu hordofee naannoo ittisa Olka’iinsa Golan qabachuun ishee waliigaltee bara 1974 Israa’elii fi Sooriyaa gidduutti mallattaa’e cabsuu dha jedhe.
Anaadoluun waa’ee Israa’el naannoo ittisa Golan Heights qabachuu fi gabaasa weerara dabalataa naannoo Sooriyaa irratti raawwachuu ishee gaafatamanii, Geyir Pedersen torban torbaniin Waajjira Dhaabbata Mootummoota Gamtoomanii Jenevaatti ibsa gaazexeessitootaaf kennaniin akka jedhanitti, UN kun waliigaltee humnoota addaan ba’uu bara 1974 cabsuudha jedha.
“Ergaan Niiw Yoorki irraa dhufe kanuma, wanti nuti argaa jirru waliigaltee hirmaannaa addaan bahuu bara 1974 cabsuudha,” jechuun dabalaniiru.
Pedersen dhimma kana waajjira muummee UN Niiw Yoorkitti argamutti waahillan isaanii waliin dhiyeenyaan akka hordofan cimsanii dubbataniiru.
Waraanni Israa’el ajaja muummicha ministeeraa Beeniyaamin Netaaniyaahuu fi Ministira Ittisaa Israa’el Kaatziin dhuma torban darbee naannoo olka’iinsa Goolaan dhuunfatame keessa seene.
Netaaniyaahuun ibsa kenneen ”dhuunfachuun kun yeroodhaaf akka ta’e” himateera.
Israa’el bara 1967 irraa eegalee olka’iinsa Golaan Siiriyaa qabattee jirti.Waliigaltee Hir’ina Israa’el fi Siiriyaa gidduutti bara 1974 taasifame daangaa naannoo ittisaa fi naannoo waraana irraa bilisa ta’e hundeessuun gabaafameera.
