ONM-ABO Amajjii 26, 2025
Gareen diddaa Falasxiin Hamaas waliigaltee dhukaasa dhaabuu fi hidhamtoota jijjiirraa Gaazaa Israa’el waliin taasifameen Sanbata kaleessaa loltoota Israa’el dubartootaa afur dabarsee kenne.
Loltoonni bilisa bahan afran uffata waraana Israa’el uffachuun waltajjii magaalaa Gaazaa Addabaabayii Falasxiin irratti argamu irratti bakka bakka bu’oota koree Fannoo Diimaa Idil-addunyaa (ICRC)tti yeroo dabarfaman kolfaa fi harka isaanii raasaa turan.
Waraanni Israa’el loltoonni bilisa bahan afran gara Israa’elitti osoo hin dabarfamin dura humna isaa Gaazaa jiruuf dabarfamuu isaanii mirkaneesse.
Loltoonni afran kun hakiimotaan kan sakatta’aman yoo ta’u, haala qaamaa gaarii akka qaban waraanni kun ibseera.
”Haalli fayyaa isaanii idileedha, argannoon lafa irratti giddu-galeessa yaalaa addaa barbaadu hin jiru,” jedhan qondaaltonni waraanaa.
Lammiileen Falasxiinota kumaatamaan lakkaa’aman addabaabayii Falasxiin irratti walitti qabamanii sirnoota walharkaa fuudhinsa loltoota Israa’el afran, kanneen keessaa qabsaa’ota kutaa hidhannoo Hamas, Birgeedii Qassam irraa dhufan kudhan hedduu dabalateeti.
Dubbi himaan waraana Israa’el Daani’eel Hagaarii gama isaatiin sirni walharkaa fuudhinsa loltoota dubartootaa afran “waan gaariidha” jechuun waamuun isaa ni yaadatama.
Itti dabaluudhaanis, “Hanga hundi isaanii gara Israa’elitti deebi’anitti ergamni hin xumuramu” jedheera.
Hidhamtoonni Falasxiin gara 200 ta’an loltoota Israa’el afran kana jijjiiruuf bilisa ba’uuf jiru jechuun Al Jazeeraan gabaaseera.
