ONM-ABO Guraandhala 28, 2025
Gurraandhala 24, 2025 aanaa Daannoo Bulchiinsa magaalaa Daannoo keessaa nama maqaan isaa Gulummaa Tashoomee jedhamuu fi kanneen biroo hedduu maqaan isaanii adda hin baane ukkaamsuun gara mooraa leenjii waraanaatti geessanii jiraachuu maddeen Arraata Biyyoolessa Oromiyaatti himanii jiru.
Haaluma wal fakkaatuun, guyyaadhuma kana godinichuma aanaa Iluu Galaan ganda Abakuu Aannoo irraas jiraattota hedduu mana isaaniitii ukkaamsuun gara adda waraanaatti geessuuf jecha mana hidhaatti guuraa kan turan yoo ta’u, namoota kanneen keessaas kan maqaan nu ga’e dargaggoo Guutuu Farajaa jedhamu ta’uun barameera.
Murni Bilxiginnaa akka waan baay’inni waraanaa kufaatii irraa isa oolchuutti yaaduun golee Oromiyaa mara keessaa ilmaan Oromoo xiqqaa fi guddaa, fayyaa fi dhukkubsataa osoo hin jenne humnaan ukkaaamsuun dirree leenjiitti guuraa jiraachuun guyyuu gabaafamaa jira.
