ONM-ABO Hagayya 14, 2023
Rakkoon impaayera Itoopiyaa keessatti karaa geggeesitoota murna bilxiginnaan dhalate babal’achuun amantoota irratti dhiibbaa hamaan kara murnichaan jabaatee jira.
Hagayya 13, 2023 godina Baha Wallaggaa bulchiinsa magaalaa Naqamtee keessatti amantootni Bataskaana Ortodoksii Tawaayidoo Sinoodoosii Oromiyaa Magaalaa Naqamtee mana amantaa qulqulluu Gabri’eel deemuun mormii nuti afaan keenyaan tajaajilamuu qabna jedhanii dhageessifataa turan irratti caasaan bilxiginnaa waraana itti bobbaasuun amantoota 120 bulchiinsa magaalaa Naqamtee ganda 05tti hidhanii reebicha irratti raawwatanii jiru.
Oduma wal fakkaatuun godina Lixa Wallaggaa magaalaa Gimbii keessatti ammoo geggeesitoota manneen amantaa aanota godinichaa keessa jiran walitti dhufuun waajjira mana amantichaa teessoo phaaphaasiitti yeroo deeman phaaphaasiin godinicha seenee jiru gadi ba’ee uummata waliin haasaa taasisuu dhiisuun barameera.
