ONM-ABO Hagayya 15, 2023
Bara dhufaa darbaa uummanni Oromoo roorroo ulfaataa arguun bakka jireenyaa dhabee sirni bulchiinsa impaayerattii aangoo isaanii da’oo godhachuun ilmaan Oromoo balleessaa fi qabeenya isaanii barbadeessaa dhufan bara murna bilxiginnaa hammeessanii jiru.
Haaluma kanaan Hagayya 12, 2023 godina addaa naannawwaa Finfinnee aanaa Sulultaa ganda Handaa Wezaroo bakka Kaanteerii jedhamutti hojjetaa dhaabbata Midrok, hojii konkolaachisummaan opireetera ta’ee hojjetu nama maqaan isaa Habtaamuu Abbabee jedhamu waraanni murna bilxiginnaa badii tokko malee rasaasaan rukutuun ajjeessan.
Habtaamuu erga rukutanii ajjeessaniin booda bishaan guddaa laga Mogor keessa buusuun reeffi isaas osoo hin argamin hafuu maddeen gabaasaniru
Dabalataanis aanuma Sulultaa keessatti namoonni maqaan isaanii Tolchaa Alamuu fi Galaanaa Shaaroo jedhaman waraana murna bilxiginnaan hidhamanii jiru. Galaanaan mooraa Kaanteritti, Tolchaan Alamuu ammoo Mooraa Sayyoo jedhamu keessatti hidhamee jiraachuu maddeen dabaluun ibsaniiru.ää
