ONM-ABO Waxabajjii 29, 2024
Bilxiginnaan duula guyyoota afurtamaa keessatti WBO ni dhabamsiisna jechuun dhaadachaa turuun isaa kan beekamu yoo ta’u, guyyoota afurtama sana keessatti WBO’n baduu mitii ittuu daran dagaagee loltoota isaanii irratti tarkaanfii jajjabduu fudhachuun of duuba deebisaa ture
Akkuma yeroo garaa garaatti lolaan Waraana Bilisumma Oromoo gaafa dadhaban hololatti deebi’an, Kibba Lixa Shaggar aanaa Bachoo ganda Leencaa Qashammee jedhamu keessatti Waxabajjii 25, 2024 bulchaan aanaa fi itti gaafatamaan waajjira poolisii aanichaa waliin ta’uun loltoota isaanii gara ganda sanaatti bobbaasuun halkan irra toora sa’a 2:00’tti namoota nagaa maqaan isaanii Geetuu Taaddasaa fi Guddataa Habtee jedhaman nuti WBOdha koottaa ba’aa jechuun maatii isaanii biraa fuudhanii deemanii mana irraa erga siqsaniin booda rasaasa itti roobsuun ajjeesuu jiraataan gandichaa tokko ONM’tti himeera.
Akka jiraataan kun jedhetti namoonni ajjeefaman kunneen namoota sabboonummaa qabanii fi hawaasa isaanii keessatti jaalatamummaa qaban akkasumas hojii isaanii qofa irratti kan xiyyeeffataniidha jechuun waa’ee isaanii ibsa.
Namootni ajjeefaman kunneen umuriin isaanii tokko afurtama yoo ta’u tokko ammoo 36’tti kan tilmaamamuudha kan jedhu jiraataan kun jalqabuma karaa bulchaa aanaa WBO deggaru jedhamuun irratti hololamaa turuus ibsa.
