ONM-ABO Hagayya 8, 2024
Niijar Kibxata darbe sababa Kiiv “gareewwan shororkeessummaa” Maalii deeggarte jedhamteef,hariiroo dippilomaasii Yukireen waliin qabdu “hatattamaan” akka dhaabdu beeksifteetti.
Tarkaanfiin kun kan fudhatame erga Maaliin himannaa walfakkaatuun Yukireen waliin hariiroo qabdu addaan kutee guyyoota muraasa booda.
Dubbi himaan mootummaa Nijeer Koloneel Amadu Abdramane ibsa televijiinii biyyaalessaa irratti kennaniin, dhimmi kun dhimma “weerara Yukireen” jedhamuun Mana Maree Nageenyaa Dhaabbata Mootummoota Gamtoomanitti akka dhiyaatu himaniiru.
Rakkoon dippilomaasii kun kan dhufe humni waraanaa Maalii dhuma baatii Adoolessa finciltoota adda bahuu barbaadan waliin walitti bu’iinsa uumameen mo’amuu isaa hordofeeti.
Maaliin haleellaa shororkeessummaa haleellaa lubbuu namaa galaafate dhiheenya kana biyya Afrikaa Dhihaa keessatti raawwatame keessatti Yukireen harka akka qabdu amanuu ishee hordofee hariiroo dippilomaasii Yukireen waliin qabdu addaan kutuu ishee beeksifteetti.
Jalqaba bara kanaa Niijar, Maalii fi Burkinaa Faasoo dhiheenya kana ijaaramaniin Gamtaa Biyyoota Sahel jalatti qormaata nageenyaa gareewwan shororkeessitootaan isaan mudatu kan dabalaa dhufe qolachuuf humna waraanaa waloo uumuu isaanii beeksisaniiru jechuun Associated Press gabaaseera.
