ONM-ABO Hagayya 21, 2024
Aanaa Gudayyaa Biilaa ganda Daarbas jedhamutti Hagayya 19, 2024 kaabineen PP fi milishaan waliin bobba’uun qonnaan bulaa walga’ii dirqamaan waamuun meeshaa hidhattanii waraana Bilisummaa Oromoo loluu qabdu jechuun jiraattota hiraarsaa akka turan ONM’tti himaniiru.
Jiraattonni ganda Daarbasis nuti maatii qabna siyaasa keessa galuu hin barbaannu jechuun wal-ga’ii geggeeffame irratti mormii akka kaasan Jiraattonni kan himan ogguu ta’u, jaallattanis jibbittanis hidhachuun loluu qabdu jechuun dirqamsiisanii hojii loltummaatti akka bobbaa’aniif dargaggootaa fi jaarsolii hedduu akka mallatteessisan beekameera.
Waraanni akka feeteen bilxiginnaa shiftummaa isaanii hawaasa irratti kan agarsiisan guyyaa wal-ga’ii yaasan kanas namoota hedduu irratti reebichaa fi doorsisa akka geggeessan kan himamu yoo ta’u, aanaan Gudayyaa Biilaa nageenya aanichaa mirkaneessuun akka godina Baha Wallaggaatti baadhafamnee jirra kanaaf ammas cimnee hojjechuu qabna jechuun namoota nagaa akka ajjeesaniif dhaadachaa akka turanis jiraattonni ONM’tti himaniiru.
