ONM-ABO Fulbaana 16, 2024
Bilxiginnaan sirna Habashootaa hiddaan gadi-dhaabuuf dinagdee, amantii, afaanii fi aadaa Oromoo dhabamsiisee Itiyoophiyummaa dagaagsuuf faloo ta’a jedhee gochoota dabaa hojjechuu itti fufuun ilmaan haadha hiyyeessaa bakka jiran cufaan dirqiin qabuun maatii boossisaa jiraachuu jiraattonni ONM’tti himan.
Fulbaana 15, 2024 godina Qellem Wallaggaa aanaa Sayyoo keessatti waraanni goolessaan PP manneen amantaa Ortodoksii Tewaahidoo, Waldaa Guutuu Wangeelaa, Makkaaneyeesus fi kanneen birootti bobba’uun amantoota dirqiin qabuun ganda 07’tti akka guuran dubbatan.
Kaayyoon namoota nagaa butuu Bilxiginnaa kunis leenjii waraanummaaf akka ta’e jiraattonni kan himan yoo ta’u, impaayerattiin muddama siyaasaa isaan mudatee jiruuf humna waraanaa ijaaruun to’achuuf jecha namoota umriin isaanii 14 ol ta’an cufa dirqiin guuraa akka jiranis beekameera.
Galma bulchiinsa magaalaa Dambii Doolloo ganda 07 keessaa ilmaan Oromoo leenjii milishummaaf qabamanii jiran 200 ol qe’ee fi maatii isaanii dhiisanii dararaa argaa jiraachuu gabaasuun keenya ni yaadatama.
