ONM-ABO Sadaasa 2, 2024
Ministirri Muummee Libaanos Najib Mikati Jimaata kaleessaa akka jedhanitti ibsi Israa’el fi agarsiistonni dippilomaasii Beerut bira ga’an mata jabina Tel Aviv fi furmaata yaadame fudhachuu diduu ishee mirkaneessa, Israa’el daandii jeequmsaa fi badiisaa irratti cichiteetti jedhan.
Mikatiin yaada kana kan kennan hogganaa humna yeroo Dhaabbata Mootummoota Gamtoomanii Libaanos (UNIFIL), Jeneraal Arnaaldoo Laazaaroo waliin walgahii Beerutitti geggeeffame irratti.
Akka ibsi waajjira Muummicha Ministeeraa irraa bahetti, Mikaatiin “Israa’el dhiheenya kana hammeenyi taasifte, tattaaffii dhukaasa dhaabuu galmaan ga’uu fi murtii Mana Maree Nageenyaa Mootummoota Gamtoomanii guutummaatti hojiirra oolchuuf kaayyeffate hunda diduu ishee ifatti agarsiisa” jechuun cimsanii dubbataniiru.
Walgahiin kun kan gaggeeffame Ameerikaan yaada haalli gaariin jiraachuu danda’u kan walii galtee diinummaa Libaanos keessatti uumame dhaabuuf geessuuf dhiheessitu gidduutti.
Haa ta’u malee, Mikaatiin haala Gaazaa ilaalchisee tattaaffiin dippilomaasii walfakkaataan bu’aa kan hin argamsiifne yoo ta’u, “gocha hammeenyaa Israa’el gama lachuutiin cimee jira” jechuun hubachiisuu isaa Doochii Waleen gabaaseera.
