ONM-ABO Muddee 26, 2024
Waraanni Paakistaan Kibxata galgala haleellaa qilleensaa biyya ollaa Afgaanistaan keessatti gaggeessee, bakka dhokataa garee hidhate Tehreek-e-Taliibaan Pakistaan (TTP) bulchiinsa Paktika keessatti argamu irratti xiyyeeffate jedhu qondaaltonni nageenyaa.
Ministeera Dhimma Alaa Paakistaan ykn kutaan miidiyaa waraanaa, Hariiroo Hawaasaa Tajaajiloota Gidduu (ISPR) irraa ibsi kan hin kennamne yoo ta’u, maddeen Al Jazeeraaf akka mirkaneessanitti haleellaan kun kan raawwatame Afgaanistaan kutaa Barmal, naannoo kutaa gosa Kibba Waziristaan Paakistaan keessatti bara Bulchiinsa Kayber Pakhatunkiwaatti.
Mootummaan Afgaanistaan yeroof Taalibaan Afgaanistaan bulfamus haleellaa kana kan mirkaneesse yoo ta’u, namoota nagaa irratti xiyyeeffatamuu isaanii cimsee dubbateera.
Ministeerri Raayyaa Ittisa Biyyaa Afgaanistaan akka ibsetti dubartootaa fi daa’imman dabalatee baqattoonni hedduun ajjeefamaniiru ykn madaa’aniiru.
Haleellaan qilleensaa kun bara kana taatee akkanaa isa lammaffaa yoo ta’u, bakka bu’aan addaa Paakistaan Afgaanistaan Mohammad Saadiin Ministira Dhimma Alaa Afgaanistaan yeroof Amiir Kaan Muttaakii Kaabuulitti erga wal arganii sa’aatii muraasa booda raawwatame jechuun Aljazeeraan gabaaseera.
