ONM-ABO Bitootessa 20, 2025
Prezidaantiin Yukireen Volodamer Zelenskiin Roobii akka jedhanitti, gitni isaanii Raashiyaa Vilaadmiir Puutiin dubbii dhukaasa dhaabuu dubbatan dhugaa wajjin kan wal faallessuudha” jechuun ibsan. Biyyootni lachuu jechuun Moskoo fi Kiiv haleellaa bu’uuraalee misoomaa walii rukuchuun wal himatan.
Aangawoonni Raashiyaa fi Yukireen bu’uuraalee misoomaa biyya keessaa irratti haleellaa halkan tokkoof wal irratti raawwachuun gabaafameera. Bilbila Kibxata darbe Puutiinii fi prezidaantii Ameerikaa Doonaald Tiraamp gidduutti taasifameen booda, hogganaan Raashiyaa “annisa fi bu’uuraalee misoomaa hunda irratti” haleellaa dhaabu irratti walii galee ture.
Zelensky galgala sana booda jalqabbii kana akka deggaru dubbateera.
Garuu Roobii darbe Zelenskiin ibsa gaazexeessummaa waliinii Helsiinki keessatti gita isaa bulchaa Fiinlaand Aleksaander Istaan waliin kenneen: “Halkan tokkotti diroonii 150 ture, dhaabbilee anniisaa dabalatee bakkoota adda addaa rukuteera jedhe.
“Kanaaf jechi Puutiin dhugaa jiru irraa baay’ee addadha,” jechuun ibseera jechuun Anaadooluun gabaaseera.
