ONM-ABO Bitootessa 25, 2025
Waraanni Israa’el Kibxata har’aa akka jedhetti, ammas buufata waraanaa lama kan rukutuu ibse. Kunis hogganaan imaammata alaa Gamtaa Awurooppaa Siiriyaa keessatti haleellaan akka jiru akkasumas Libaanos keessatti akka hammaatu erga akeekkachiisaniin booda.
“Yeroo gabaabaa dura, IDF dandeettii waraanaa kan buufata waraanaa Siiriyaa Tadmur fi T4 keessatti hafe rukute,” jechuun waraanni Israa’el buufataalee Paalmaayiraa fi magaalattii irraa gara dhihaatti kiiloo meetira 50 (maayilii 30) kan biraa eeruun dubbatan.
Itti dabaluudhaanis, “IDF balaa lammiilee mootummaa Israa’el irratti fidu kamiyyuu balleessuuf jecha tarkaanfii fudhachuu itti fufa,” jechuun dabalee dubbateera.
Wiixata kaleessaa daawwannaa Yerusaalemitti taasisaniin, Hogganaan Imaammata Alaa Gamtaa Awurooppaa Kaja Kalas, haleellaan Israa’el Siiriyaa fi Libaanos irratti raawwatame haala kana hammeessuudhaaf akka jiran akeekkachiisaniiru.
“Tarkaanfiin waraanaa madaalawaa ta’uu qaba, haleellaan Israa’el ammoo gara Siiriyaa fi Libaanositti daran hammaataa dhufuuf jira,” jedhan Kalas ibsa waloo Ministira Dhimma Alaa Israa’el Geediyoon Saar waliin taasisaniin.
Siiriyaa keessatti, Israa’el erga finciltoonni Muddee keessa Bashar al-Assad kuffisanii asitti bakka waraanaa dhibbaan lakkaa’aman haleelteetti.
Ministeerri Dhimma Alaa Siiriyaa gama isaan Israa’el “tasgabbii biyyattii” irratti duula geggeessite jechuun himachuu Rooyiters gabaaseera.
