ONM-ABO Ebla 6, 2025
Kibba Lixa Shaggar aanaa Qarsaa Maallimaa ganda Gooroo Gabreelii jedhamuun beekamutti Ebla 2, 2025 waraanni maafiyaan PP maqaa sakattaa Waraana Bilisummaa Oromoon bobbaafamuun saamicha qabeenyaa jiraattota irratti raawwachuun ibsameera.
Qabeenyi saamame kunis kan Obbo Lammaa Haayiluu fi namoota maqaan nu hin qaqqabin danuu ta’uun kan himamu oggaa ta’u, Obbo Lammaa jalaa loon 4 fi hoolota 10 akka ooffatan addeeffameera.
Jiraattonni qe’ee fi qabeenyaa isaanii irra osoo nagaan jiraatanii yakkaman kunneen badii raawwatan kan hin qabne ta’uunis kan beekamu yoo ta’u, waraanni abbaa irrummaa agarsiisuu fi hamminaaf guutuu Oromiyaatti bobba’aa jiran tibbana bifa haarawaan saamichaa fi dararaa adda addaa qe’ee jiraattotaatti hammeessanii jiraachuun ibsameera.
