ONM-ABO Waxabajjii 1, 2025
Hoogganaan ittisaa Hindii Sanbata darbe jalqaba baatii kanaa waldhabdee gabaabaa Paakistaan waliin taasisaniin biyyi isaanii yoo xiqqaate xiyyaara tokko akka dhabde bifa mirkaneessu fakkaatuun gaaffii fi deebii Bloomberg waliin taasisaniin himaniiru.
Hindii fi Paakistaan ji’a darbe keessa waldhabdee guyyoota afuriif geggeessaniinii kan turan yoo ta’u, walitti bu’iinsa bara 1999 irraa eegalee ture deebisanii kaasan kana Caamsaa 10 irratti dhukaasa dhaabuun nagaa buusuuf irratti waliigalaniiru.
Misaa’ela, diroonii fi meeshaa waraanaa gama lamaaniin namoonni 70 ol du’aniiru.
Paakistaan xiyyaarota Hindii jeettiiwwan Chaayinaan dhiyeessiteefiin rukuchuu dubbatteetti.
Hogganaan ittisaa Hindii, Jeneraal Anil Chayuhan, Paakistaan xiyyaarota waraanaa Hindii ja’a kuffise kan jette “guutuutti sirrii miti” jechuun himate.
Waldhabdeen dhiheenya kana morkattoota hidhannoo niwukilaraa gidduutti uumame haleellaa turistoonni Kaashimiir bulchiinsa Hindiin bulchaa turte irratti raawwatameen kan ka’e yoo ta’u, waggoota kurnan darban keessatti namoota nagaa i lubbuu galaafateera.
New Delhiin Islaamaabaad hidhattoota haleellaa kana raawwatan deggerti yoo jettu, himannaa kana Paakistaan ni haalti jechuun AFP’n gabaaseera.
