ONM-ABO Adoolessa 13, 2025
Ergamtoonni Bilxiginnaa waraana bobbaasuun Oromoon akka hin qotannee fi hin daldalanne gochuun cinatti sochii dinagdee jireenya isaanii ittiiin geggeeffachuuf hojjeatan irrattis saamicha geggeessaa jiru.
Aanaa Shanan Dhuuggoo araddaa Barakaa jedhamu irraa jaleewwan Bilxiginnaa dantaa garaa isaanii tiksuu fi dinagdee impaayerattii lamshaa’e baraaruuf oliif gadi ifaajaa oolan, torban darbe irraa eegaluun hawaasni akka gabaa deemee waa bitee hin gurgurreef:
- qullubbii 2Kg irratti qarshii 50,
- mishingaa 100kg irratti qarshii 150,
- daakuu midhaanii 50kg irratti qarshii 70,
- fe’isa harree 1 irratti qarshii 50,
- horii mooraa itti gurguran seenetti qarshii 300 fi
horii mooraa itti gurguranii baasuuf qarshii 500
naga’ee tokko malee saamaa jiraachuu maddeen Arraata Biyyoolessa Oromiyaatti himanii jiru.
Jaleewwan Bilxiginnaa araddicha keessatti ajaja kaabinoota aanichaan akkuma argan bobbaafamuun, hawaasa ofiifuu waan nyaatee bulu dhabee rakkatu gidirsuun maqaa kaffaltii gosa adda addaan saamicha ulfaataa geggeessaa jiraachuu fi fuula duratti illee “sichi waan kaffaltan qabdu” jechuun doorsisaa waan turaniif, jiraattonni araddichaa yaaddoo hamaa keessa jiraachuun isaanii baramee jira.
