ONM-ABO Hagayya 28, 2025
Sochiin Diddaa Biyyaalessaa Yugaandaa paartiin biyyattii bulchaa jiru, prezidaant Yoweerii Museeveeniin filannoo waliigalaa bara dhufuuf kaadhimamaa isaanii akka ta’u – akkasumas yeroo torbaffaaf hogganaa saba Baha Afrikaa ta’uun raggaasiseera.
Museveniin maanguddoon ganna 80 Roobii kaleessaa haasawa konfiraansii bakka bu’oota dhaabichaa Kaampaalaatti taa’ame irratti taasisaniin kaadhimamaa kana kan fudhatan yoo ta’u, dhaabichi ammas amantaa isaa isa irra kaa’uu isaaf galateeffataniiru.
Museeveniin yeroo jalqabaaf bara 1986 itti gaafatamaa humna finciltootaa ta’uun aangoo qabate. Erga fooyya’iinsa heera mootummaa daangaa yeroo pirezidaantummaa fi daangaa umurii haquuf mirkaneessee booda yeroo jaha filatameera.
Ji’a Amajjii keessa yoo injifate, biyya Baha Afrikaa keessatti aangoo isaa waggoota kurnan shanitti dhiyaata. Barruulee NRM rirratti Museveniin carraa kana fayyadamee bu’aa ba’ii dhaabni isaanii galmeesseen ibseera.
“Wanti kitaaba xiqqaa kana keessa jiru waan NRM galmaan ga’edha, yeroo seennu maal akka goonu sirriitti beekna kanaafis dinagdeen Yugaandaa deebi’ee jira. Akkuma har’a dubbadhus marsaa shan keessa darbineerra” jedhe maanguddoon kun.
Qeeqxonni Museeveniin NRM keessatti dabalatee mormii tokkollee osoo hin qabaatin gara abbaa irreetti akka ce’e akeekkachiisaniiru.
Filannoo darbe irratti mormituu Museeveenii inni guddaan weellisaa nama siyaasaa ta’e Boobii Waayinii yoo ta’u, filannoo baatii Amajjii gaggeeffamu irrattis kaadhimummaa isaa labseera.
Wayiniin namni ganna 43, filannoo bara 2021 Museveniin dhibbeentaa 35 fi 58n mo’amus, sagaleetu jeequmee fi himannaa sagalee sobaa kaasuun morma ture.
Ji’a darbe Waayiin filannoo dura haalli siyaasaa Yugaandaa “hamaa irraa gara hammaataatti ce’eera” jechuun ofii isaa fi aktiivistoota biroo pirezidaantii yeroo dheeraa kana irratti socho’an irratti doorsisni geggeeffamaa jiraachuu dubbataniiru jechuu Africanews gabaaseera.
