ONM-ABO Muddee 31, 2025
Ministeerri Dhimma Alaa US Maarkoo Ruubiyoon gita isaanii Sa’uudii, Ministira Dhimma Alaa Prinsi Fayisal Bin Farhan waliin waa’ee waldhabdee nageenya Yaman fi naannoo itti fufee jiru ilaalchisee Kibxata kaleessaa dubbachuu ibseera.
Kibxata kaleessaa UAEn Yaman keessatti waraanni ishee akka hin jirre kan beeksiste yoo ta’u, murteen kun murtoo UAE’n murtaa’een ta’uu ibsaniiru.
Sa’aatii muraasa dura, Gamtaan Arabaa buufata doonii Mukaalla keessatti deggarsa waraanaa biyya alaa jedhee kan xiyyeeffate haleellaa qilleensaa daangeffame kan jalqabe yoo ta’u, kunis Mana Maree Ce’umsaa Kibbaa (STC) bulchiinsa Hadramoyut keessatti sochii waraanaa akka hin geggeessine erga akeekkachiisee guyyoota muraasa booda.
Dubbi himaan tumsaa akka jedhanitti dooniiwwan lama buufata doonii UAE Fujayiraa irraa dhufan Sanbata fi Wiixata buufata doonii Mukallaa seenuun hayyama gamtaa irraa osoo hin eegin, sirna hordoffii isaanii dhabsiisuu fi meeshaa waraanaa i fi konkolaattota lolaa baay’ee STC deggaruuf fidan.
Tarkaanfiin qilleensa irraa kana hordofuun, Hogganaan Mana Maree Hoggansa Pirezidaantii Yaman Rashad Al-Alimi humnoonni UAE sa’aatii 24 keessatti naannoo Yaman irraa akka of qusatan gaafataniiru jechuun Rooyiters gabaaseera.
