Giddugala Oromiyaa bahaa Shaggar ona Boosatii fi Fantaallee irraa qunnamtii bilbilaa kutuun uummanni dararamaa jiraachuun barame.
ONM-ABO onko 26, 2022
Murni bilxiginnaa uummata Oromoo dukkaana keessatti rakkisuu itti fufuun irraa Onkoloolessa 23/2022 irraa kaasee hanga guyyaa har’aatti godina baha Shaggar ona Fantaallee fi Boosat irraa quunnamtii bilbilaa kutuun uummata dararaa jira. Sababni murni aangoo isaa tikfachuuf waan dabaa cufa hojjechaa jiru quunnamtii bilbilaa uummata irraa balleessaniif akkuma Oromiyaa kutaalee akka Shaggar lixaa fi baha Wallaggaatti uummata naannoolee biraatti uummata xiyyaara waraanaan rukuchaa jirutti, rukutuuf qophii geggeessaa jiraachuu shakkii qaban uummatni dubbachaa jira. Waraanni lafoo murni bilxiginnaa gaara keessa deemee sakatta’iinsa WBO jechuun socho’aa jiru. Miidhaa hawaasa nagaa irra qaqqabaa jirus akkaataa itti adda baasan dhabamee jira. Dabalataanis ona Boosat magaalaa Oolancitii keessatti milishaan warra guyyaan hojii humnaa hojjatanii jireenya harka irraa gara afaanii jiraatan dirqamaan magaalaa keessaa guuruun xaafii ofii humnaan haamsifachaa jiru. Erga haamsisanii booda nyaatas ta’ee qarshii tokkollee osoo hin laatiniif itti fayyadamanii ofirraa gaggeessu. Walumaagalatti ona Boosatii fi Fantaallee keessatti dararaa murni bilxiginnaa waraana isaa bobbaasuun uummata nagaa irratti raawwachaa jiru daangaa darbuu maddeen Arraata Biyyoolessaa Oromiyaa onoota lameenii addeessaniiru.