ONM-ABO Muddee 30, 2023
Bilxiginnaan ajandaa badii qabachuun guyyuu kan as ba’u, hawaasa Oromoo irratti gochoota bara Minilkii fi Hayile Sillaasee Caalaa,dhaalmaa abboota isaatii daran jabeessuuf ilmaan Oromoo cabsee,lafaa fi qabeenyaa sabichi qabu saamuuf jecha, akkaataa fedheen waraana bobbaasee tarsimoo baasuun ilmaan Oromoo hiraarsaa jira.
Haaluma kanaanis baatima kana keessa dargaggoota marsaa 2f leenjii dirree loltummaaf maqaa Impaayera Itoophiyaa barara jechuun dheengadda Muddee 27, 2023 aanaa Malkaa Bal’oo araddoota hundaa irraa walitti qabuun gara aanichaatti galchanii akka jiran jiraattotni dubbatu.
Rakkoon murni bilxiginnaa uumu ilmaan Oromoo irraa kan hin dhaabbanne, jiraattota walitti qabuun wal-gayii guyyoota 5 turu jedhanii mooraa mana barnootaa magaalaa Haroo jedhamutti namoota umurii fi saalaan osoo hin foo’iin akkaata itti waraana bilisummaa Oromoo balleessan jedhanii mata duree caqasuun, marii dharaan uummata burjaajessaa jiraachuunis beekameera.
