ONM-ABO Adoolessa 26, 2024
Lakkoofsi namoota sigiga lafaa Wiixata darbe kibba Itiyoophiyaatti mudateen du’anii 257 gahuun, fuulduratti gara 500 gahuu akka danda’u Waajjirri Qindeessaa Dhimma Namoomaa Mootummoota Gamtoomanii UN OCHA’n Kamisa kaleessaa ibseera.
Namoonni balaa kanaan miidhaman 15,000 ol baqachuu ykn bakka sana gadhiisuu akka qaban UN OCHA’n gabaasa haalaa baaseen beeksiseera.
Sigigaannaa lafaa Kibba Imphaayerattii aanaa Gezee Gofaatti kan mudate Wiixata ganama waqtii roobaa gidduutti yoo ta’u, hanga walakkeessa baatii Adoolessaatti akka turu ni eegama.
Namoota miidhaman keessaa muraasni sigiga lafaa sadarkaa lammaffaa booda mudateen du’aniiru. Hedduun isaanii osoo lakkoofsa keessa hin galin hafan.
Roobni waqtii darbee darbee roobu naannoolee biyyoota Baha Afrikaa tokko tokkotti sigiga lafaa lubbuu namaa galaafatu fidaa jira jechuun Shinuwaan gabaaseera.
