ONM-ABO Hagayya 8, 2024
Waraanni maafi’aa PP uummata irraa dhalataniif naasuu dhabuun, gara jabummaa saba “ni geggeessina” jedhanitti agarsiisuun ajjeechaa raawwatan jabeessaniiru.
Bilxiginnaan Oromoota humnaan qe’ee isaanii irraa godaansisanii ari’uun gara jabina isaan kennaa uumamaan qaban yoo ta’u, murni bilxiginnaa ajjeesuu qofaatti amanan godina Baha Shaggar aanaa Dugdaa ganda Baasii Bilidaatti Hagayya 3, 2024 ganama sa’a 12:00’tti gara jabummaan namoota sadii ajjeesuun gataniiru.
Namoonni ajjeefaman kunneen maqaan isaanii; Baadhasoo Diriirsaa, Leencoo Abarraa fi Raggaasaa Baacaa kan jedhaman yoo ta’an, namoota kana badii tokko malee waraanni faashistii PP rasaasaan waaduun kan ajjeesan ogguu ta’u, erga Ajjeesanii boodas maatiin reeffa kaasanii akka hin awwaallanneef dhorkachuun Harree-gaariitti hidhuun fuula hawaasa duratti harkisaa akka turan ifoomeera
Jiraattonni ajjeefaman kunneen waraana gabroomfataa PP’n adamfamaa kan turan yoo ta’u, ji’oottan darban keessas waraanni kunneen ajjeesuuf mana isaanii deemanii yoo dhaban manneen isaanii qabeenyaa keessa jiru waliin gubanii barbadeessuu fi dhuma irratti lubbuu isaanii akka galaafatan beekameera.
