ONM-ABO Muddee 21, 2024
Faransaay Jimaata kaleessaa loltoota Chaad keessaa baasuu kan eegalte yoo ta’u, kunis akka Ministeerri Ittisaa Chaad jedhutti, erga ji’a darbe tumsa waraanaa humna koloneeffataa duraanii waliin qabdu xumurtee booda ta’uu hime.
“Hojjetaan Waliigalaa Raayyaa Ittisa Biyyaa, xiyyaaronni waraanaa Faransaay Chaad keessaa erga bahanii booda, jalqabni loltootaa bahuu har’a reefuu akka eegale Yaada Biyyaalessaa fi Idil-addunyaa beeksisa,” jedha ibsichi.
“Kutaawwan Lolaa tartiibaan bahuun kun geejjibaa loojistikii waliin walqabatee kan raawwatamu ta’a.”
Chaad hanga Amajjii 31tti loltoota 1,000 fi meeshaalee isaanii akka buqqistu Paarisiif torban jaha kennite.
Ministeerri Dhimma Alaa Chaad Sadaasa 28 tumsi waraanaa Faransaay waliin taasisaa ture akka xumuramu beeksiseera.
Faransaay ji’a darbe waliigaltee dhabuun xiyyaara waraanaa Chaad keessaa baafte.
Loltoonni Faransaay fi xiyyaaronni waraanaa erga biyyattiin bara 1960 walabummaa argatte as walitti fufiinsaan jechuun ni danda’ama Chaad keessa buufatanii waraana Chaad leenjisuuf gargaaraa turan.
Hariiroon Faransaay Maalii fi Burkinaa Faasoo waliin qabdu erga bulchiinsi waraanaa biyyoota sana keessatti bara 2020 fi 2022 aangoo qabatee booda hammaate.
biyyootni kolonii Faransaay duraanii lama Maalii fi Burkina Faasoo Faransaay biyyoota isaanii keessa jiraachuu mormaniiru jechuun BBC’n gabaaseera.
