ONM-ABO Amajjii 9, 2025
Xiqqaa fi guddaa, beekaa fi wallaalaa, jaarsaa fi jaartii osoo hin jenne loltoonni bilxiginnaa maqaa adda addaa itti maxxansuun ilmaan Oromoo yakkanii hiraarsaa ulfaataa irraan geessisaa kan jiran yoo ta’u, sababa lukkeelee kanneeniif hawaasni akka itti ba’ee galu dhabaa jira.
Aanaa Gooroo Doolaa ganda Mucoo fi Waatoo irraa torban darbe keessa badii tokko malee jiraattota jumlaan hidhaatti guuruun, namoota maqaan isaanii:
- Goluu Guyyee Majaa,
- Boonaa Raafamaa,
- Booruu Mi’eessaa Areeroo,
- Abdullaahi Jiloo Majaa,
- Daggafaa Abbaa Goobaa,
- Sulxaan Sokorraa Olkoo fi
namoota baay’inaan 200-300 ta’an maqaa “ijoollee keessantu Waraana Bilisummaa Oromoo keessa jiraa dafaa waamaa galchaa” jechuun garmalee dararaa jiraachuu maddeen Arraata Biyyoolessa Oromiyaatti himan.
Kana malees, aanicha guutummaa keessaa dargaggoota hedduu ukkaamsuun leenjii waraanaatti illee guuraa kan jiran ta’uun dabalataan ibsameera.
