ONM-ABO Amajjii 18, 2025
Kooriyaan Kaabaa Jimaata kaleessaa shaakala waraanaa waloo Kooriyaa Kibbaa, Jaappaan fi Ameerikaa gidduutti torban kana gaggeeffame balaaleffachuun, mirga of ittisuu ishee “ciminaan” fayyadamuudhaan deebii akka kennitu doorsifteetti.
Shaakala biyyoota sadii kun kan gaggeeffame erga Piyoongiyaang torban darban keessa sirna misaa’ela haaraa haaypersoonikii fi misaa’ela balistikii fageenya gabaabaa jette erga furguggiftee booda fi prezidaantiin filataman Doonaald Tiraamp Wiixata gara aangootti deebi’uu isaanii dura.
Ministirri Dhimma Alaa Yunaayitid Isteets Antony Blinken torban darbe Kooriyaa Kibbaa daawwachaa kan turan yoo ta’u, Kooriyaan Kaabaa misaa’ela haaypersoonikii jedhame kana furguggifte. Raashiyaan gargaarsa teeknooloojii hawaa fi saatalaayitii sadarkaa olaanaa dabalatee gargaarsa Yukireen loluuf kenniteef akka badhaasaatti deggarsaan Kooriyaa Kaabaa cimsaa akka jirtu ragaaleen ni mul’isu jedhan jechuun AFP’n gabaaseera.
