ONM-ABO Bitootessa 22, 2025
Haleellaa walitti fufiinsaan humni waraana Sudaan fudhachaa tureen masaraa pirezidaantii magaalaa Kaartum keessa jiru erga dhuunfataniin booda waraanni Sudaan fi deeggartoonni isaa guutuu biyyattii keessatti gammachuu isaanii agarsiisaa turaniiru.
Injifannoon Jimaata kaleessaa erga bara darbe Fulbaana keessa humnoota deggarsa saffisaa (RSF) irratti weerara geggeessuu jalqabanii isa ijoodha
RSF gama isaan gara Kibba Kaartum to’achuu kan itti fufee jiru yoo ta’u, garuu erga Sudaan keessatti Ebla 2023 waraanni dhoohee as magaalaa guddoo harka caalu dhabeera.
RSFn Sudaan keessatti hammeenya lakkoofsa hin qabne kan raawwate yoo ta’u, kunis Kaartum keessatti dabalateeti.
Gabaasni dhiheenya kana Waajjira Komishinara Ol’aanaa Mirgoota Namoomaa Dhaabbata Mootummoota Gamtoomanii (OHCHR) baaseen ture, loltoonni RSF bara darbe hanga ji’a Waxaabajjiitti erga lolli kun jalqabee kaasee yoo xiqqaate namoota 10,000 Kaartum keessatti to’annoo jala oolchuu isaanii ibseera.
“Naannoo RSF to’atutti namoota ajjeesu, dubartoota gudeeduu fi dhala namaa hunda balleessu. Yeroo waraanni Sudaan dhufu hundatti namoonni nageenyi waan itti dhaga’amuuf gammachuu argatu. Ijoolleen illee gammachuu guddaa qabu,” jedha dargaggeessi Sudaan Yuusef jechuun Aljazeraan gabaaseera.
