ONM-ABO Bitootessa 31, 2025
Aanaa Leeqaa Dullachaa ganda Qorkeettiq jaleewwan Bilxiginnaa maqaa adda addaa hawaasatti maxxansuun yakkanii miidhaa ulfaataa irraan gahaa oolan, gocha badii isaanii kana jabeessuun Bitootessa 27, 2025 namoota maqaan isaanii:
- Mahaayaa Mahaammad,
- Tamiimaa Ahimad,
- Halimaa Rashiid,
- Useemaa Adam,
- Toofiq Mahaammad,
- Bayyaan Mahaammad,
- Aniisaa Mahaammadii fi
kanneen biroo hedduu yakka tokko malee hidhaatti darbatanii hiraarsaa jiraachuu maddeen itti dhiheenyaan beekan Arraata Biyyoolessa Oromiyaatti himanii jiru.
Kana malees, guyyaadhuma kana namoota maqaan isaanii:
- Aadde Halimaa Rashiidii fi
- Obbo Bayyaan Ahimad
jedhaman jalaa manaa fi meeshaalee mana keessa jiran hunda gubanii barbadeessuun dabalataan ibsamee jira.
Akka maddeen himanitti, namoonni hidhamanii fi manni jalaa gubate kunneen deggertoota siyaasaa dhaaba kamiiyyuu kan hin taanee fi maatii qabsaa’otaa qofa kan ta’an, maqaa “hidhata Waraana Bilisummaa Oromoo qabdu” jedhuun hidhaatti darbatamuu isaanii fi gandoota aanichaa cufa keessatti jaleewwan Bilxiginnaa jiraattotaa fi maatii qabsaa’otaa dararaa kan jiran ta’uun eeramee jira.
