ONM-ABO Bitootessa 31, 2025
Muummichi Ministeeraa Israa’el Beeniyaamin Netaaniyaahuun Ebla 2 Haangaarii akka daawwatan waajjirri isaanii Dilbata kaleessaa ibse. Daawwannaan kunis ajaja hidhaa mana murtii yakkaa idil-addunyaa (ICC)’n yakka waraanaa Gaazaa keessatti raawwatame jedhame mormuun akka geggeeffamu ibsaniiru.
Daawwannaa isaanii irratti Netaaniyaahuun Ebla 6 gara Israa’elitti deebi’uu isaanii dura muummicha ministeera Haangaarii Viktor Orbaanii fi qondaaltota olaanoo Haangaarii biroo waliin mari’achuuf jiru.
Orban Ajajni hidhaa ICC bara darbe ba’us Netaaniyaahuudhaaf waamicha dheeresse.
Murtee ICC Sadaasa keessa kenname guyyaa tokko booda, Netaaniyaahuun waamicha Orbaan taasiseefitti galateeffataniiru.
Waajjirri Netaaniyaahuu yeroo sanatti xalayaa Orbaan irraa dhufe kan maxxanse yoo ta’u, kunis Ministirri Haangaarii murtee ICC kana akka tarkaanfii “qaanii” ta’etti balaaleffate.
ICC’n Netaaniyaahuu fi Ministirri Ittisaa duraanii Yoav himannaa yakka dhala namaa fi yakka waraanaa irratti baname irratti kenne beela akka mala waraanaatti dabalatee waraana Israa’el Haamas Gaazaa irratti geggeessite irratti irratti ture jechuun AFP’n gabaaseera.
