ONM-ABO Ebla 6, 2025
Sanbata kaleessaa magaalaa guddoo Somaalee Mogaadishoo naannoo mana jireenyaa lama irratti haleellaa moortaraa raawwateen yoo xiqqaate namoonni 6 madaa’aniiru jedhan qondaalli tokko.
Ali Ahmed, qondaalli nageenyaa kutaa Shibisitti dhiyoo jiruu fi bilbilaan Anaadooluu waliin haasa’e akka jedhanitti, kutaaleen Waartaa Nabadaa fi Bondheree rukutamuun yoo xiqqaate namoonni ja’a madaa’uu mirkaneesse.
Namoonni lama – barsiisaa Madarasaa fi maanguddoo – miidhaan cimaan irra ga’ee gara hospitaalaatti geeffamaniiru jedhan.
“Xiyyeeffannoo qabatamaa hin beeknu garuu Masaraan Pirezidaantii Waartaa Nabadaa keessatti argama.
Humnoonni nageenyaa Somaalee bakka sana gahuun uggura sochii kaa’uu isaanii fi haleellaa kana keessatti moortarii akkamii akka fayyadaman qorannoon gaggeeffamaa akka ture himaniiru.
Gareen tokkollee haleellaa mortarii kanaaf hanga ammaatti itti gaafatamummaa hin fudhanne, garuu gareen shororkeessaa Al-Qaayidaa waliin hidhata qabu Al-Shabaab yeroo darbe haleellaa walfakkaatu himateera.
Al-Shabaab waggoota 16 oliif mootummaa Somaalee irratti waraana banee kan ture yoo ta’u, yeroo baayyee haleellaa qondaaltota mootummaa fi hojjettoota waraanaa irratti xiyyeeffate raawwata jechuun Anaadooluun gabaaseera.
