ONM-ABO Caamsaa 1, 2025
Ministirri Dhimma Alaa Siiriyaa Asaad al-Shaayibaanii Roobii kaleessa Al Arabiyaatti akka himanitti, Siiriyaan Ameerikaa waliin hariiroo tarsiimoo uumuuf banaa ta’uu ibsaniiru.
Al-Shaayibaanii gaaffiin Waashingitan qoqqobbii kaasuuf sababa ta’uu danda’u, irra caalaa qajeeltoowwan mootummaa Siiriyaa waliin kan walsimu ta’uu ibsuun, mootummaan “qoqqobbii siyaasaan kaa’ame” akka didu himaniiru.
Al-Shaayibaaniin New York bakka dippilomaatiin olaanaa Siiriyaa walgahii Dhaabbata Mootummoota Gamtoomanii irratti hirmaacha ture irraa Al Arabiya waliin haasawa taasisaniiru.
Qondaaltonni Ameerikaa Al Arabiya Englishtti akka himanitti, dippilomaatii olaanaan kun Kibxata qondaaltota Ministeera Dhimma Alaa Ameerikaa waliin wal argu jedhamee eegama.
Al-Shaayibaniin Al Arabiyaatti akka himanitti, “Ameerikaa waliin dantaan waloo hedduudha. Itti dabaluudhaanis, “Ameerikaa waliin haasa’uun sadarkaa olaanaa fi sadarkaa gaarii irra jira,” jechuun dabaluu Al Arabiyaan gabaaseera.
