ONM-ABO Caamsaa 15, 2025
Lakkoofsi godaantota seeraan alaa daangaa Gamtaa Awurooppaa qaxxaamuran ji’oota afran jalqabaa bara 2025tti %27 gadi bu’uun gara namoota 47,000tti akka ta’e Ejensiin Daangaa fi Eegdota Galaanaa Awurooppaa ykn FrontEx Roobii ibseera.
“Gadi bu’iinsi kun daandii godaantoota gurguddoo hunda gara EUtti itti fufu, daandii Dhiha Balkans irratti %58 irraa kaasee hanga %3tti daandii giddu galeessaa Meditiraaniyaanii irratti hir’ateera,” jedha ibsi Frontex irraa bahe.
Frontex yeroo ammaa kana daangaa alaa Gamtaa Awurooppaatiin qondaala 3,200 bobbaasuun, daangaa Awurooppaa eeguu fi lubbuu galaana irraa baraaruuf aangawoota biyyaalessaa waliin ta’uun hojjechaa ture jedhan.
Daandiiwwan godaansa gurguddoo hunda gara Gamtaa Awurooppaatti gadi bu’uun kan itti fufee yoo ta’u, daandii giddu galeessaa Meditiraaniyaanii kan baay’atutti, godaantota seera hin qabne harka sadii keessaa tokko kan ta’u ta’a.
Karaa Baha Meditiraaniyaanii seensaa baay’ee jaal’atamuun, godaantonni waraqaa eenyummaa hin qabne 12,200 ol ta’an qaxxaamuranii jiru.
Gama biraatiin ammoo, Baalkaan Dhihaatiin baatii Amajjii hanga Eblaatti gadi bu’iinsa guddaa %58 kan argan yoo ta’u, daandii Lixa Afrikaan %34tti gadi bu’eera jechuun Anaadooluun gabaaseera.
