ONM-ABO Waxabajjii 6, 2025
Waraanni Filippiinsii fi Yunaayitid Isteets yeroo torbaffaaf galaana Kibba Chaayinaa keessatti shaakala galaana taasisuun walta’iinsa guddisuuf akka hojjechaa jiran Humni Waraanaa Maniilaa Kamisa kaleessaa ibseera.
Shaakala Roobii bishaan bulchiinsa Osiidental Mindoro fi Zambales keessatti gaggeeffamee fi amala falmisiisaa ta’e irraa fagaatee kan gaggeeffame yoo ta’u, hojiiwwan waloo naannoo qarqara galaanaa jiran akkasumas deggarsa ibiddaa kan hammateedha.
“MCA (Sochiin tumsaa humna galanaa) seera idil-addunyaa waliin walsimsiisuun tumsa hojiirra oolchuu fi walta’iinsa guddisuuf kutannoo mootummootnii lamaan qaban agarsiisuudha,” jechuun humnoonni waraanaa Filiippiin ibsa kennaniin dubbataniiru.
Dooniin waloo kun doonii Filiippiin Miigu’eel Malvar jedhamu kan misaa’ela qajeelfama qabu meetira 118 ji’a darbe ajajame agarsiise. Walta’iinsi waraanaa michoota waliigaltee gidduutti taasifame Pirezidaantii Ferdinaand Maarkos jalatti ol ka’eera. Kunis Chaayinaan Galaana Kibba Chaayinaa keessatti argamuun ishee guddachaa waan dhufeef deebii kennuuf michuu Waashingitanitti taateetti.
Chaayinaan kutaalee naannoo dinagdee addaa Biruuneey, Indooneezhiyaa, Maaleeziyaa, Filiippiinsii fi Veetnaam dabalatee hunda jechuun ni danda’ama Galaana Kibba Chaayinaa irratti abbaa biyyummaa akka qabdu ni himatti jechuun Rooyiters gabaaseera.
