ONM-ABO Fulbaana 27, 2025
Godina Baha Harargee aanaa Kombolchaa gandoota aanicha cufa keessatti kadiroonni fi waraanni PP waliin ta’uun maqaa garaa garaa da’oo godhachuun uummata aanichaa dirqisiisanii qarshii irraa funaanaa jiraachuu jiraattotni himan.
Akka jiraattotni himanitti, buusaa gonofaaf jechuun qarshii kuma tokko tokko akkasumas ganda tokkoof qawwee 22 isiniif binna jechuun tokkoon tokkoon jiraattotaa irraa qarshii kuma lama lama saamsisaa kan jiru bulchaa aanaa Kombolchaa nama maqaan isaa Nuuree Mahaammad jedhamu akka ta’e jiraattotni Arraata Biyyoolessa Oromiyaaf eeranii jiru.
Goleewwan Oromiyaa cufa keessatti murni Bilxiginnaa kaffaltii waliin isaa hin beekamneen uummata saamuun waraanaa fi kaadiroota isaaf baajeta dhangalaasee ittin yakkawwan garaa garaa raawwachisaa jiraachuun ni beekama.
