ONM-ABO Fulbaana 28, 2025
Baha Wallaggaa aanaa Guutoo Giddaa mooraa waraana Bilxiginnaa bulchiinsa magaalaa Ukkee irraa torban darbe keessa miseensi raayyaa ittisa impaayerattii tokko qawwee AKM 1 hidhannoo guutuu waliin qabachuun WBO’tti harka kennatee jiraachuu hoggansi WBO bakkichaa Arraata Biyyoolessa Oromiyaatti himee jira.
Loltoonni PP kunneen mooraa diinaa diiguu ittuma fufuun, Fulbaana 25, 2025 aanichuma mooraa waraana Bilxiginnaa Kaampii Solomoon jedhamee waamamu irraa miseensi raayyaa ittisa impaayerattii tokko qawwee AKM 1 hidhannoo guutuu waliin qabachuun mooraa diinaa keessaa ba’ee WBO’tti harka kennatee jiraachuun dabalataan eeramee jira.
Miseensonni waraana PP duraanii Waraana Bilisummaa Oromootti harka kennatan kunneen sabummaan isaanii Oromoo yoo ta’an, ilmaan Oromoo qawwee ormaa baatanii du’a seenaa hin qabne du’aa jiraniinis, “dafaa yeroodhaan akka keenya meeshaa keessan qabadhaatii gara qabsoo saba keenyaa ABO-WBO’n geggeessaa jiruutti makamaa” jechuun dhaamaniifii jiru.
