ONM-ABO Guraandhala 4, 2026
Domingos Simõ’es Pereeraa fi Fernaandoo Diyaas ji’oota darbaniif imbaasii Naayijeeriyaa keessatti akkaataa wal duraa duubaan hidhamanii fi ugguramanii booda Jimaata darbe bilisa ba’aniiru. Amma, aanga’oonni waraanaa sochii isaaniif teessoo mootummaa keessatti akka hirmaatan dhiyeessanis, garuu hoggantoonni mormitootaa lamaan didaniiru.
Hoggantoonni mormitootaa gurguddoon Giinii Bisaawuu Doomiingos Simoos Pereeraa fi Fernaando Diyaas, erga fonqolcha waraanaa Sadaasa darbe raawwatameen booda itti gaafatamaa biyyattii ta’an irraa, tarree mootummaatti akka makamaniif gaaffii dhihaate didaniiru.
Kunis Pereeraan Jimaata darbe mana hidhaa ji’a lamaaf hidhamee ture keessaa bahuu isaa hordofeeti. Diyaas Imbaasii Naayijeeriyaa bakka ari’atama aanga’oota waraanaatiin baqannaa argate keessaa akka bahu hayyamameeraaf..
Mootummaatti makamuuf gaaffiin dhihaate akka karaa itti hoggantoota mormitootaa lamaan waliin nagaa barbaaduutti ilaalamuu danda’a.
Garuu lamaan isaanii iyyuu loltoota kana irraa of eeggachaa jiru, tarii sababa gaarii qabaachuu danda’u: Pereeraan hidhaa irraa ba’us, adeemsa seeraa tarkaanfii kanaaf malu keessa darbee hin beeku ta’us, hidhaa manaa jala jira.
Akka Diyaas jedhutti, mootummaatti makamuuf gaaffiin dhiyaate kallattiin aangawoota waraanaa irraa osoo hin taane, ECOWAS ifatti baase irraa kan dhufe yoo ta’u, kunis hoggantoonni haaraan Giinii Bisaawuu mormitoota irratti harka isaanii akka laaffisanii fi heera biyyattii akka kabajan dhiibbaa uumeera.
Yaadni mootummaatti makamuuf dhihaate ulfaatina fakkeessii qofa ta’uu isaatiinis qeeqamaa tureera: sochiin hoggantoota mormitootaa mootummaa keessatti hojii sadii fi Mana Maree Ce’umsa Biyyaalessaa keessatti teessoo kudhan argachuu ta’us, akka mormitoonni jedhanitti ulfaatina siyaasaa dhugaa qabaachuuf gahaa miti jechuun Africanews gabaaseera.
