ONM-ABO Onkoloolessa 16, 2023
Murni ol adeemtootaaf hin tolle bilxiginnaan, waraana maalif akka meeshaa baatan hin beekne baayinaan teessuma aangoo isaaf jecha hawaasa gidduutti bobbaasuun ajjeechaa gara jabeenyaa ilmaan Oromoo irratti raawwachisaa jiru.
Haaluma kanaan lixa Shaggar aanaa Jalduu ganda Kilbee keessatti guyyaa kaleessaa jechuun Onkoloolessa 15, 2023 hidhattootni garee Abiy Ahimediin uummata nagaatti bobbaafaman kunneen daa’ima ganna 13 Mootummaa Guutaa jedhamu aarii waraanni bilisummaa Oromoo bakkichatti tarkaanfii irratti fudhateef jecha rasaasa itti roobsuun ajjeesanii jiraachuu jiraattotni dubbatu.
Akkasuma jiraattoota gandichaa irratti reebicha ulfaataa raawwachuu fi qabeenyaa hawaasa tokko tokkos saamanii jiru jechuun, akkuma kan dandeessu dhaani jennaan gowwaan galee niitii dhaane jedhan sana, murni faashistii PPs haleellaa waraanni bilisummaa Oromoo irratti fudhatutti aaruun kan dirree irara isa lolu dhiisuun namoota nagaa ajjeesuun isaanii mallattoo kufaatii isaanii agarsiisas jechuun jiraattotni gandichaa Arraata Biyyoolessa Oromiyaatti himaniiru.
