ONM-ABO Amajjii 13, 2024
Yakkoota hamaa ilmaan Oromoo irratti adeemsisuun murni bilxiginnaa yeroo ammaa bakkoota hundaattii barattoota,qote-bultoota, daldaltootaa fi barsiisota, akkasuma maanguddoota waraana itti bobbaasuun ukkaamsanii hidhuu, mooraa leenjiitti erguu fi ajjeesuu irratti argamu
Bifuma kanaanis Amajjii 10, 2024 dargaggoo maqaan isaa Iyyaasuu Mulgeetaa jedhamu dhalootaan godina Qellem Wallaggaa aanaa Anfilloo bulchiinsa magaalaa Ashii kan ta’e,yeroo ammaa ammoo jiraataa bulchiinsa magaalaa Shaggar Siitii aanaa Buraayyuu iddoo addaa Dirree Gafarsaa jiraachaa kan ture yakka tokko malee waraana gabroomsaa PPn butamee hanga gabaasni kun qindaayetti eessa buutee dhabamee jiraachuutu himama
Dhiibbaan mirgoota namoomaa yeroo ammaa jiraattota magaalaa Finfinnee guutuu irratti lagaaf gandaan qoodinsi karaa murna PP irra ga’aa akka jiru kan dubbatamu,namoota barnootaa fi hojiilee dhuunfaa adda addaa hojjechuun magaalaa Finfinnee jiraataan humnootni Abiy Ahimed bobbaasuu qabuun dhabamsiisuu irratti argamaa jiaachuu jiraattotni dubbatu.
