ONM-ABO Bitootessa 4, 2024
Gootichi Waraana Bilisummaa Oromoo WBOn zoonii kibbaa konyaa Gujii Lixaa har’a Bitootessa 4 ganama sa’a 12:00 2:30tti tarkaanfii laaleessaa aanaa Galaanaa magaalaa Ejersaa keessatti waraana PP irratti fudhateen loltoota 20 ol yommuu ajjeesu 12 madoon adabeera.
Aanuma kana magaalaa Kombolchaa keessaa ammoo waraana bilxiginnaa ari’uun korommiiwwan Kibba Oromiyaa guutummaatti to’atanii turan.
WBOn tarkaanfii isaa godinicha keessatti jabeessuun ganama sa’a 2:00 irratti aanaa Dugda Daawwaa ganda Roobii Magaadaa bakka addaa Satalaayitii Qadiida jedhamutti haxxee hidhuun humna galaa fe’atte deemtu irratti tarkaanffii fudhateen loltoonni 15 battalatti yommuu du’an, 10 ol ammoo madoo dandammi hin qabneen adabamaniiru.
Erga WBOn lolee ba’ee humni bilxiginnaa wal rifatanii yeroo dheeraaf wal waraanaa turuun gaga’amni guddoon dhaqqabe jira.
Lolli bilisummaa finiinee itti fufa!
Injifannoon Uummata Oromoof!