Bitootessa 6, 2024
Impaayerri Itoophiyaa dararaa ilmaan Oromoo irraan ga’aa jirtuun qe’een Oromoo rakkoo gosa hedduuf saaxilamaa jira.
Yeroo itti ilmaan Oromootu impaayerittii bulcha jechuun dibbeen dharaa dhaanamaa jirutti Oromoon kumaatamaan buqqa’aa, beela’aa, ajjeefamaa fi dararaa gosa garaagaraaf saaxilamaa jira.
Godina lixa Shaggar Aanaa Ilfataa ganda Ambaltaa Godeetiti jiraattonni buqqa’an daa’ima baatanii harka namaa ilaalaa jiraachuu himatu.
Jiraattonni kunniin akka jedhanitti waraanni Mootummaa kaabinoota aanaa waliin ta’uun qabeenya isaanii saamee kaan abiddaan erga barbadeessanii lubbuu keenya oolfachuuf baqannee harka namaatti kufnee jedhu.
Jireenya amma jiraachaa jirru kanaan rakkoo hamtuun waan nu mudatee jiruuf Oromoon nuu fi qabsoo Oromoof sagalee ta’ee roorroo kana keessaa walbaasuu qabna jedhan.
