ONM-ABO Ebla 9, 2024
Ministeerri Dhimma Alaa Masrii Sameh Shuukrii wiixata kaleessaa bilbilaan Ministira Dhimma Alaa Awustiraaliyaa Penii Wong waliin haala yeroo dhiyoo waraana Gaazaa keessatti raawwatame irratti mari’ataniiru.
Marii kana irratti Shuukriin gita isaa Awustiraaliyaa waliin waa’ee waldhabdee kana keessatti haala yeroo dhiyoo fi marii Masriin humnoota idil-addunyaa waliin taasiftee rakkoo kana to’achuuf taasifte irratti odeeffannoo kenne.
Shuukriin hojjetaan gargaarsaa lammii Awustiraaliyaa Gaazaatti du’uu isaa hordofee mootummaa Awustiraaliyaaf gadda itti dhaga’ame ibsaniiru.
Hojjetaan kun kan ajjeefame haleellaa xiyyaaraa Israa’el kan hojjettoota gargaarsaa Dhaabbata Tola Ooltummaa Addunyaa waliin hidhata qaban irratti xiyyeeffate irratti yoo ta’u, haleellaa kanaan hojjettoonni gargaarsaa torba du’aniiru.
Shuukriin dirqama Israa’el seera idil-addunyaa fi seera namoomaa idil-addunyaa eeguu cimsanii dubbataniiru.
Kunis haleellaan namoota nagaa Falasxiin akkasumas hojjettoota gargaarsa idil-addunyaa haala namoomaa hamaa namoota Gaazaa keessa jiran mudate furuuf dammaqinaan hojjechaa jiran irratti raawwatamu hatattamaan dhaabuu gaafata.
Waamicha kana irratti ministeeroonni lamaan haalli namoomaa fi nageenyaa Gaazaa keessatti hammaataa dhufee fi murteewwan Mana Maree Nageenyaa Dhaabbata Mootummoota Gamtoomanii hojiirra oolchuuf tattaaffii taasifamaa jiru irratti mari’ataniiru.
Dhukaasa dhaabuu hatattamaa fi dhaabbataa ta’e galmaan gahuu fi fedhii hatattamaa jiraattota Gaazaa guutuuf gargaarsi namoomaa guutummaatti, nageenya qabuu fi saffisaan akka kennamu gochuun barbaachisaa ta’uu cimsanii dubbataniiru.
Shuukriin murtee Awustiraaliyaan deggarsa deebiftee jalqabuu ishee kan jajatan yoo ta’u, haala namoomaa Gaazaa keessatti hammaataa dhufe furuuf gahee olaanaa dhaabbatichi qabu hubataniiru.
Ministeeroonni lamaan waamicha kanarratti hojii waraanaa Israa’el magaalaa Raafaa Kibba Gaazaa keessatti raawwattu guutummaatti akka didan cimsanii dubbataniiru.
Shuukrii fi Wong tumsa biyyoota lamaanii damee hundaan cimsuu fi rakkoolee naannoo fi idil-addunyaa fedhii waliinii qaban irratti ejjennoo isaanii walsimsiisuuf qindoominaa fi mariin itti fufiinsa qabu barbaachisaa ta’uu cimsanii dubbachuu isaanii Arab news gabaaseera.
