ONM-ABO Ebla 16, 2024
Murni bilxiginnaa sochii dargaggoota Oromoo dhabamsiisuun impaayera Itoophiyaa utubee dhaabuuf jecha ol adeemtota ilmaan Oromoo adamsee ajjeesuu fi gariin rasaasaan rukutee madeessuu irratti argama.
Bifuma kanaan Ebla 8, 2024 godina Lixa Wallaggaa aanaa Qondaalaa keessatti dargaggoota lama waraanni faashistii PP maqaa sakatta’insa waraana Bilisummaa Oromoon ganda Boojjii Gaara Arbaa jedhamutti dargaggoo Bultii rasaasaan rukutuun kan ajjeesan yoo ta’u, kan madaa’e ammoo maqaan isaa nu hin ga’in jira.
Dargaggoo Bultiin dhalootaan aanaa Mana Sibuu ta’uun kan himamuu fi hojiif gara aanaa Qondaalaa akka deeme dabaluun dubbatu.
Aanicha keessatti sababa waraanni faashistii PP ajjeechaa, saamichaa fi gudeeddii hammeessaniif uummanni yaaddoo lubbuun jiraachuu keessa seenuun barameera.
