ONM-ABO Waxabajjii 20, 2024
Gareen shororkeessaa abbaa irree naasuu tokko malee manneen hawaasa nagaa irraa gubuuf saamicha qabeenyaa daran hammeessanii jiraachuu jiraattonni taateewwan kun irratti raawwatame ni dubbatu.
Haaluma kanaan Waxabajjii 17, 2024 sirni abbaa irree uummata nagaa hidhuu, ajjeesuu, qabeenya hawaasaa saamuu, ibiddaan barbadeessuu, gochaa aadaa fi safuu uummataa cabsu rawwachuun bartee itti ta’e, godina Arsii Bahaa aanaa Sirkaa ganda Waajii Raphasaa iddoo addaa Galma jedhamu keessatti badii tokko malee manneen 4 hawaasa irraa gubanii jiru.
Namoonni manneen isaanii jalaa gubate kunneenis Jibriil Hajii Aadaam, Useen Sulxii, Muhaammad, haajii Amaan fi Jamaal Iisaa kanneen jedhaman ta’uun barameera.
Namootni kunniin mana qofa irraa guban osoo hin taane qabeenyaa isaanii mana guutuu gubuu fi wantoota akka beelladaa ammoo jalaa ooffachuun maatiin haala jireenyaaf yaaddessaa keessatti akka kufan taasisanii jiru jechuun jiraattonni Arraata Biyyoolessa Oromiyaatti himaniiru.
