ONM-ABO Sadaasa 21, 2024
Dhaabbanni Mootummoota Gamtoomanii akka gabaasetti Arjentiinaan Humnoota Yeroo Mootummoota Gamtoomanii Libaanos (UNIFIL) keessaa baate
Waajjira muummee Dhaabbata Mootummoota Gamtoomanii Niiw Yoorkitti ibsa gaazexeessitootaaf kennaniin, gargaaraan barreessaa olaanaa UN keessatti hojii nagaa Arjentiinaa UNIFIL kan Libaanos keessatti haleellaan irra gahe keessaa akka baate gabaasan.
Gama biraatiin ammoo dubbi himaan UNIFIL Andiree Teeneetiin ibsa gaazexeessitootaaf Dhaabbata Mootummoota Gamtoomanii kennaniin, “Sun sirrii dha. Arjentiinaa qondaaltonni ishee akka deebi’an gaafattee jirti” jedhan.
“UNIFIL keessatti qondaalli Arjentiinaa sadii jiru. Kanaafuu dandeettiin hojii keenyaa hin jijjiiramne,” jedhan Teeneetiin.
Biyyoonni biroo hundinuu turuuf waadaa akka ibsan jala sararanii, “Biyyoonni biroo nagaa eegdota isaanii UNIFIL keessaa akka baafatan hin gaafanne” jedhan.
Sababa isaan deemaniif ilaalchisee dubbi himaan kun gaaffii ofirraa baasuu keessatti maaliif akka bahan biyyattiin hin ibsine jedhan.
UNIFIL kanaan dura haleellaa adda addaa sadii Israa’el loltoota, hojjettootaa fi dhaabbilee ishee kibba Libaanos irratti xiyyeeffate irratti raawwatte kan gabaase yoo ta’u, haleellaa kana keessaa tokko loltoota nagaa eegsisan afur irratti miidhaa geessiseera.
Israa’el Libaanos waliin lola daangaa qaxxaamuraa irratti bobbaatee kan jirti yoo ta’u, dhuma baatii Fulbaana keessa garee Hizboollaa irratti kan xiyyeeffate ta’uun ishee ni yaadatama.
Haleellaa Israa’el Libaanos keessatti raawwateen namoonni 3,500 ol kan ajjeefaman yoo ta’u, Onkoloolessa darbe irraa eegalee namoonni 15, 000tti dhiyaatan madaa’uu fi miliyoona tokkoo ol qe’ee isaanii irraa buqqa’uu aanga’oonni fayyaa Libaanos beeksisaniiru jechuun BBC’n gabaaseera.
.
