ONM-ABO Sadaasa 23, 2024
Mootummaa tokko jalqaba mootummaa kan isa jechisiisu daangaa biyyaa fi nagaa lammiilee eeguun diina alaa fi keessaan uummaticha weeraru kamuu balaa irraa ittisuu yoo ta’u, garuu kan impaayera Itiyoophiyaa faallaa kanaa nageenya hawaasaa loltoota isaan booressaa boodarra ammoo maqaa seera cabsitan jedhuun namoota nagaa mana hidhaatti guuruu yoo ta’u, gocha badii isaa kana yeroo ammaa Oromiyaa keessatti jabeessee jira.
Qaama finxaaleessaa Amaaraa hidhatee uummata lubbuu fi qabeenyaa jalaa mancaasaa jiruuf gaddisa ta’uun gareen wal gurmeessee aangoo siyaasa impaayerattii qabatee jiru Bilxiginnaan uummata ofiifuu waa’ee siyaasaa quba hin qabne maqaa dharaan yakkee mana adabaatti guuruu aadaa godhachuun itti fufee jira.
Aanaa Martii ganda Moolamee Arjoo jedhamu keessatti Sadaasa 22, 2024 hawaasa oomisha isaa galfachaa jiru rasaasa itti roobsuun ooyiruu isaanii keessaa baqachiisuun kanneen qabatan ammoo mana hidhaatti guuruu dubbatu.
- Huseen Tunnaa,
- Qadoo Tamii,
- Abdallaa Burqaa,
- Reduwaan Jamaal fi
- Harmee Jamaal reebicha hamaa irratti raawwatamuun namoota hidhaman keessaa kanneen maqaan argame ta’uu jiraattonni naannichaa ibsaniiru.
