ONM-ABO Sadaasa 29, 2024
Bara Oromoo ta’anii dhalachuu qofti yakka ta’etti goleewwan Oromiyaa cufa keessaa ergamtoonni nama nyaataan mootummaa abbaa irree loltoonni Abiy Ahimed sabboontota ilmaan Oromoo balleessaa tokko malee sobaan yakkuun mana hiraarsaatti darbachuu jabeessanii itti fufanii jiru.
Aanaa Liiban Jaawwii ganda Gaamoo Walisoo jedhamu keessaa waraanni shiftaa Bilxiginnaa Sadaasa 26, 2024 namoota maqaan isaanii:
- Aadde Adaanuu Zallaqaa fi
- Obbo Leellisaa Gadaa kanneen jedhaman badii tokko malee qe’ee isaaniitii ukkaamsuun hidhaatti darbatanii hiraarsaa jiraachuu maddeen Arraata Biyyoolessa Oromiyaatti himaniiru.
Maddeen akka himanitti, namoonni kunneen siyaasa kam irraa walaba ta’uu eeruun, ergamtoonni sirnichaa ammoo maqaa “ijoollee keessantu miseensa Waraana Bilisummaa Oromooti” jedhuun hidhuu dubbataniiru.
