ONM-ABO Muddee 10, 2024
Loltoonni sirnichaa yeroo adda addaatti ilmaan Oromoo sobaan yakkuun ukkaamsanii mana hidhaatti darbatanii qarshii hedduu gaafataa kan jiranii fi dararaa hamaa irraan gahaa kan jiran ta’uun ni beekama.
Magaalaa Adaamaa keessaa dargaggoo maqaan isaa Ibraahim Mahaammad jedhamu maqaa “hidhata Waraana Bilisummaa Oromoo qabda” jedhuun yakkanii “si ajjeefna” jedhanii doorsisuun qarshii 50,000 irraa fudhatanii gargar qooddatanii jiraachuu maddeen itti dhiheenyaan beekan Arraata Biyyoolessa Oromiyaatti himan.
Akka maddeen himanitti, dargaggoon kun jiraataa godina Buunnoo Beddellee aanaa Cawwaaqaa kan ta’ee fi guyyoota 21’f waajjira poolisii magaalaa Adaamaatti dararamaa turuun torban darbe keessa qarshii 50,000 kaffalee mana hidhaa keessaa kan gadi lakkifame ta’uun barameera.
