ONM-ABO Muddee 10, 2024
Dubbii himaan Raashiyaa Kiremlin irraa Wiixata kaleessaa hogganaan sirna Siiriyaa aangoo irraa kaafame Bashar al-Assad fi maatii isaanii Raashiyaan koolugaltummaa akka kenniteef mirkaneesse.
Sagantaan Puutiin Asaad waliin walgahii akka hin dabalanne kan hubachiisan Peeskov, waa’ee bakka amma jirus “wanti himamu hin jiru” jedhan.
Peeskov akka jedhanitti, Moskoon namoota nageenya buufata waraanaa Raashiyaa Siiriyaa keessa jiru mirkaneessuu danda’an qunnamuuf hojjechaa jirti, waraanni Raashiyaas “of eeggannoo barbaachisaa hunda” gochaa jira.
”Kun hundi dhimma warra Siiriyaa keessatti aangoo qabaatan waliin mari’atamuudha. Amma yeroo jijjiiramaa fi tasgabbii dhabuu garmalee argina.
Kanaaf yeroo fudhata Sana booda immoo warra aangoo kennameef waliin haasawa cimaan ni barbaachisa,” jechuun itti fufaniiru.
Mariin bifa Astanaa Siiriyaa irratti gaggeeffamu kaayyoo jalqabaa dhabeera, garuu ammallee akka mala yaada waljijjiiruu fi hirmaattoota ishee gidduutti marii siyaasaa taasifamuutti barbaachisaa dha jechuun falme.
Itti dabaluunis, Raashiyaan Turkii fi biyyoota naannichaa biroo waliin mata duree Siiriyaa irratti mari’achaa jirti jedhan jechuun France 24 gabaaseera.
